Peruda güclü zəlzələ nəticəsində 1 nəfər ölüb, xəsarət alanlar var

Peruda 5,6 bal gücündə zəlzələ baş verib.

E-huquq.az xəbər verir ki, bu barədə ABŞ Geoloji Xidməti (USGS) məlumat yayıb.

Zəlzələnin episentri ölkənin liman şəhəri Kallaodan 23 kilometr cənub-qərbdə olub.

Təxminən 53,5 kilometr dərinlikdə baş verən zəlzələ ilk növbədə paytaxt Lima və ətraf şəhərlərdə hiss olunub.

Milli Fövqəladə Əməliyyatlar Mərkəzinin (COEN) verdiyi açıqlamaya görə, zəlzələ nəticəsində 1 nəfər ölüb, 5 nəfər yaralanıb.

Limadakı "Alberto Gallardo" stadionunda "Sportinq Kristal" və "Deportivo Qarsilaso" klubları arasında keçirilən qarşılaşma zəlzələ zamanı qısa müddətə dayandırılıb.

Şəbnəm Mehdizadə