Qəzzada həlak olanların sayı açıqlandı

İsrailin Qəzzaya hücumları nəticəsində son 24 saatda 68 ölüb.

E-huquq.az xəbər verir ki, bu barədə Fələstin Səhiyyə Nazirliyi açıqlama yayıb.

Məlumata görə, ötən gün 182 yaralı xəstəxanalara çatdırılıb.

Yanvarın 19-da əldə edilən atəşkəsi pozan İsrail ordusunun 18 martdan bu yana həyata keçirdiyi hücumlarda 5 139 fələstinli həyatını itirib, 16 882 fələstinli isə yaralanıb.

Ümumilikdə isə İsrailin 7 oktyabr 2023-cü ildən Qəzza zolağına təşkil etdiyi hücumlarda ölənlərin sayı 55 432-yə, yaralıların sayı isə 128 923-ə çatıb.

Humay Eminqızı