İstanbulda saxta spirtli içki istehsal edən 9 nəfər saxlanılıb

Türkiyənin İstanbul şəhərində saxta spirtli içkiyə qarşı mübarizə davam edir.

E-huquq.az "TRT Haber"ə istinadən xəbər verir ki, təhlükəsizlik qüvvələri şəhərdə saxta spirt istehsalı və ticarətinin qarşısını almaq məqsədilə əməliyyatlar keçirib.

İstanbulun Tuzla, Esenyurt və Başakşehir səmtlərində keçirilən 4 ayrı əməliyyatda 9 şübhəli saxlanılıb.

Axtarışlar zamanı spirt istehsalında istifadə edilən 50 min şüşə xammal, 18 ton 936 litr spirtli maye, 1250 spirt şüşəsi, 920 boş şüşə, 6 min 800 etiket ələ keçirilib.

Şübhəlilərin istintaqı başlayıb.

Şəbnəm Mehdizadə