İzmirdə meşə yanğını başlayıb

Türkiyənin İzmir şəhərində meşə yanğını başlayıb.

E-huquq.az Türkiyə KİV-ə istinadən xəbər verir ki, İzmirin Aliağa rayonunda meşəlik ərazidə naməlum səbəbdən yanğın baş verib.
Getdikcə güclənən yanğın ətrafa yayılıb.

Əraziyə İzmir Meşə Regional idarəsinə məxsus 7 təyyarə, 14 helikopter, 24 su tenderi, 16 su təchizatı maşını və su tankeri və 6 dozer göndərilib.

Hadisə zamanı 4 nəfər tüstüdən zəhərlənib.

Zərərçəkmişlər isə xəstəxanaya aparılıb.

Kənd Təsərrüfatı və Meşə Naziri İbrahim Yumaklı məsələni nəzarətə götürüb.

İzmir valisi Süleyman Elban hadisə yerinə baş çəkib.

Şəbnəm Mehdizadə