14 yaşlı qız küçədə 4 nəfəri bıçaqladı

Türkiyənin Bursa şəhərində 14 yaşlı qız bıçaqla dörd nəfərə xəsarət yetirib.

E-huquq.az Türkiyə mətbuatına istinadən xəbər verir ki, hadisə ötən gün yerli vaxtla saat 22:30 radələrində baş verib.

Məlumata görə, qız əvvəlcə bir qadına və onun iki qızına bıçaqla xəsarət yetirib. Daha sonra davaya müdaxilə etməyə çalışan başqa bir şəxsi də bıçaqlayıb.

Hadisənin hansı səbəbdən baş verdiyi hələlik məlum deyil.

Faktla bağlı araşdırma aparılır.

Humay Eminqızı