ABŞ Məxfi Xidməti Trampa sui-qəsd cəhdi ilə bağlı 6 əməkdaşı işdən kənarlaşdırıb

ABŞ Məxfi Xidməti prezident Donald Trampa sui-qəsd cəhdinin araşdırılması çərçivəsində 6 əməkdaşını işdən kənarlaşdırıb.

E-huquq.az xəbər verir ki, bu barədə Gizli Xidmət direktorunun müavini Metyu Quinn “CBS News”a danışıb.

Quinn qeyd edib ki, həm nəzarətçi, həm də sahə işçisi olan 6 işçi 10 gündən 42 günə qədər işdən kənarlaşdırılıb.

Onlar maaş və ya müavinət ala bilməyəcəklər.

Quinn, Trampa qarşı sui-qəsdin “əməliyyat səhvi” olduğunu ifadə edərək, oxşar vəziyyətin bir daha yaşanmaması üçün çalışdıqlarını qeyd edib.

Xatırladaq ki, 13 iyul 2024-cü ildə Tramp Pensilvaniya ştatının Butler şəhərində mitinqdə tərəfdarları qarşısında çıxış edərkən silahla hücuma məruz qalıb.

Humay Eminqızı