Türkiyədə meşə yanğını zamanı 4 nəfər xəsarət alıb

Türkiyənin Ədirnə şəhərini Keşan rayonunda meşə yanğını baş verib.

E-huquq.az “TRT Haber”ə istinadən xəbər verir ki, meşəlik ərazidə naməlum səbəbdən baş verən yanğın küləyin təsiri ilə böyüyüb.

Yanğın 40 hektar ərazini əhatə edib.

Yanğının söndürülməsi üçün əraziyə 5 helikopter və 4 təyyarə də cəlb edilib.

Yanğının qarşısını almaq mümkün olub.

Hadisə nəticəsində, yanğının başladığı yerdə yük maşını qatı tüstü səbəbindən aşıb, avtomobildə olan 4 nəfər yüngül xəsarətlər alıb.

Humay Eminqızı