Türkiyədə dəhşətli meşə yanğını davam edir: 4 nəfər tüstüdən zəhərlənib

Türkiyənin Tekirdağ şəhərinin Şarköy mahalında meşə yanğını davam edir.

E-huquq.az Türkiyə mətbuatına istinadən xəbər verir ki, dünən günorta saatlarında Şarköy mahalında əkin sahəsində başlayan yanğın küləyin təsiri ilə geniş əraziyə yayılaraq Çanaqqala sərhədini keçib.

Əraziyə 100-ə yaxın texnika, 400-ə yaxın canlı qüvvə, həmçinin 21 təyyarə cəlb edilib.

Şenköy, Kızılcaterzi və Kocalı məhəllələrində ehtiyat tədbiri olaraq sakinlər təxliyə edilib.

Tüstüdən zəhərlənən 4 nəfər xəstəxanaya çatdırılıb.

Hazırda yanğına havadan və qurudan müdaxilə davam edir.

Humay Eminqızı