Türkiyədə ağır qəza: 8 nəfər yaralandı

Türkiyənin Malatya şəhərində minik avtomobili ilə yük maşınının toqquşması nəticəsində 8 nəfər xəsarət alıb.

E-huquq.az Türkiyə mətbuatına istinadən xəbər verir ki, hadisə yerinə təcili tibbi yardım, polis və yanğınsöndürənlər göndərilib.

Qəza zamanı hər iki sürücü və nəqliyyat vasitələrində olan sərnişinlər xəsarət alıblar.

Yaralılar təcili yardımla şəhərdəki xəstəxanalara aparılıb.

Şəbnəm Mehdizadə