İstanbulda zəncirvari qəza: 5 nəfər yaralanıb

Türkiyənin İstanbul şəhərində zəncirvari yol qəzası baş verib.

E-huquq.az “TRT Haber”ə istinadən xəbər verir ki, İstanbulun Tarlabaşı səmtində 2 avtobus, bir zibil maşını və altı nəqliyyat vasitəsinin toqquşduğu qəzada 5 nəfər xəsarət alıb.

Hadisə yerinə yanğınsöndürənlər, tibb işçiləri və polis göndərilib.

Yaralılardan 3-ü təcili tibbi yardım maşını ilə xəstəxanalara çatdırılıb.

Bir müddət sonra Tarlabaşı bulvarında nəqliyyatın hərəkəti bərpa edilib.

Qəzanın səbəbləri araşdırılır.

Şəbnəm Mehdizadə