ABŞ Hərbi Dəniz Qüvvələrinə məxsus F-35 qırıcısı qəzaya uğrayıb

ABŞ Hərbi Dəniz Qüvvələrinə məxsus F-35 qırıcısı Kaliforniyada qəzaya uğrayıb.

E-huquq.az CNN-ə istinadən xəbər verir ki, bu barədə ABŞ Hərbi Dəniz Qüvvələri məlumat yayıb.

Məlumata görə, qırıcı təyyarə Kaliforniyadakı Lemur Dəniz Hava Stansiyasının yaxınlığında, yerli vaxtla saat 18:30 radələrində qəzaya uğrayıb.

Qəzadan sonra pilot sağ qalıb.

Hadisənin səbəbləri ilə bağlı araşdırmalara başlanılıb.

Şəbnəm Mehdizadə