Ankarada güclü yanğın zamanı 8 gecəqondu yararsız hala düşüb

Türkiyənin Ankara şəhərində gecəqondu məhəlləsində yanğın hadisəsi baş verib.

E-huquq.az Türkiyə mətbuatına istinadən xəbər verir ki, naməlum səbəbdən başlayan yanğın külək nəticəsində ətrafdakı gecəqondulara yayılıb.

Hadisə yerinə çoxlu sayda yanğınsöndürən, polis və təcili tibbi yardım briqadası göndərilib.

Yanğınsöndürənlər təxminən 1 saatlıq işdən sonra yanğını nəzarət altına alıblar.

Yanğın zamanı ölən və yaralanan olmayıb.

Lakin 8 gecəqondu tamamilə yararsız hala düşüb.

Evlərdə sıxılmış vəziyyətdə qalan iki uşaq xilasedicilərin köməkliyi ilə çıxarılıb.

Şəbnəm Mehdizadə