Çexiyada əhali ukraynalı qaçqınların artmasından narahatdır

Çexiya Ukraynalı qaçqınların qəbulunu hələ də dəstəkləsə də, ölkədəki iqtisadi çətinliklər fonunda cəmiyyətdə onlara qarşı yorğunluq və narahatlıq hissi artmaqdadır.

E-huquq.az UNİAN-a istinadən xəbər verir ki, xüsusilə STEM agentliyinin yeni sorğusuna görə, respondentlərin 58%-i hesab edir ki, ölkə çox sayda qaçqın qəbul edib.

"İqtisadi vəziyyət pisləşərsə, ukraynalılarla birgə yaşamaq daha da çətinləşə bilər", - STEM analitiki J.Taborski bildirib.

Sorğu, həmçinin müəyyən edib ki, çexlərin 40%-i ukraynalılara dözdüyünü, lakin onların mövcudluğundan bezdiklərini deyir.

Hazırda Çexiyada təxminən 373 700 müvəqqəti qoruma almış ukraynalı yaşayır ki, bu da Almaniya və Polşadan sonra Aİ-də üçüncü göstəricidir.

Lakin adambaşına düşən qaçqın sayına görə Çexiya birinci yerdədir. Hər 1000 nəfərə 34,3 qaçqın düşür, bu da Aİ üzrə orta göstərici olan 9,5-dən xeyli yüksəkdir.

Humay Eminqızı