Aİ sərhədini qanunsuz keçmə halları 60% azalıb

2026-cı ilin yanvar ayında Avropa İttifaqı sərhədini qanunsuz keçmə halları 2025-ci ilin eyni dövrü ilə müqayisədə 60% azalıb.

E-huquq.az xəbər verir ki, bu barədə ilkin qiymətləndirmələri Avropa Sərhəd və Sahil Mühafizəsi Agentliyi (Frontex) dərc edib.

Belə ki, yanvar ayında təxminən 5 500 sərhəddi qanunsuz keçmə halları qeydə alınıb.

Bildirilib ki, əlverişsiz hava şəraiti, xüsusilə Aralıq dənizindəki güclü fırtınalar miqrantların səyahətlərini əhəmiyyətli dərəcədə çətinləşdirib.

“Frontex”in qeyd etdiyi kimi, keçən ay qeyri-qanuni miqrantlar arasında ən çox Banqladeş, Əlcəzair və Əfqanıstan vətəndaşları olub.

Beynəlxalq Miqrasiya Təşkilatının məlumatına görə, təkcə yanvar ayında Aralıq dənizində 450-dən çox insan həyatını itirib ki, bu da 2025-ci ilin yanvarında ölənlərin sayından üç dəfə çoxdur.

Humay Eminqızı