Türkiyədə bərə səfərləri dayandırıldı

Türkiyədə əlverişsiz hava şəraiti səbəbindən bərə səfərləri təxirə salınıb.

E-huquq.az "TRT Haber"ə istinadən xəbər verir ki, Bursa Dəniz Avtobusları (BUDO) tərəfindən idarə olunan İstanbul, Yalova Armutlu və Bursa arasında səkkiz planlaşdırılan bərə xidməti əlverişsiz hava şəraiti səbəbindən ləğv edilib.

BUDO-nun veb saytında verilən açıqlamada Mərmərə dənizində gözlənilən güclü külək və yüksək dalğaların xidmətlərin təhlükəsizliyinə mənfi təsir göstərəcəyi və buna görə də müəyyən marşrutlarda bəzi qarşılıqlı xidmətlərin bu gün mümkün olmayacağı bildirilib.

Səlahiyyətlilər hava şəraitindən asılı olaraq qrafiklərin yenidən qiymətləndiriləcəyini bildirib və sərnişinləri rəsmi elanlara əməl etməyə çağırıb.

Şəbnəm Mehdizadə