Məktəbli sinif yoldaşını bıçaqladı

Rusiyanın Perm vilayətində məktəblilər arasında bıçaqlı insident baş verib.

E-huquq.az xəbər verir ki, bu barədə regionun qubernatoru Dmitri Maxonin “Telegram”hesabında məlumat yayıb.

O bildirib ki, Aleksandrovsk şəhərinin 1 nömrəli orta məktəbində 7-ci sinif şagirdi həmyaşıdını bıçaqlayıb.

Xəsarət almış yeniyetmənin vəziyyəti ağır qiymətləndirilir.

Qubernatorun sözlərinə görə, sinfin digər şagirdlərinə mütəxəssislər psixoloji yardım göstərirlər.

Hadisə yerində hüquq-mühafizə orqanları işləyir.

Humay Eminqızı