İsveç Ukraynaya əlavə büdcə dəstəyi üçün Dünya Bankına 2,5 milyard kron (276,80 milyon dollar) kredit üçün zəmanət vermək niyyətindədir.
E-huquq.az xəbər verir ki, bu barədə İsveç hökuməti məlumat yayıb.
"Ukraynanın maliyyə problemlərini həll etmək üçün beynəlxalq ictimaiyyətdən əlavə dəstək lazımdır. Ukraynanın 2026-cı ilin birinci rübünün sonuna qədər təcili maliyyə ehtiyaclarını qarşılamaq üçün hökumət, Dünya Bankına zəmanət təqdim etməyi planlaşdırır ki, bu da Ukraynaya təxminən 2,5 milyard kron məbləğində kredit verilməsinə imkan yaradacaq", – məlumatda bildirilib.
İsveçin zəmanətləri, Dünya Bankının PEACE yardım proqramı çərçivəsində kredit əldə etməyə imkan verəcək. Bu, Ukraynanın dövlət büdcəsindən sosial və humanitar xərclərini kompensasiya edəcək.
2022-ci ilin fevral ayından bəri İsveçin Ukraynaya verdiyi hərbi və humanitar yardımların həcmi 114 milyard kron təşkil edib.
Humay Eminqızı
