Tramp İrana qarşı genişmiqyaslı hərbi hücum planlayır

ABŞ prezidenti Donald Tramp diplomatik səylərin nəticəsiz qalacağı təqdirdə İrana qarşı genişmiqyaslı hərbi hücumu nəzərdən keçirir.

E-huquq.az "New York Times" qəzetinə istinadən xəbər verir ki, Tramp administrasiyası danışıqların nəticəsiz qalacağı təqdirdə hərbi variantları masada saxlayır.

Nəzərdən keçirilən hədəflər arasında İran İslam İnqilabı Keşikçiləri Korpusunun qərargahı, nüvə obyektləri və ballistik raket infrastrukturunun olduğu iddia edilir.

Əgər bu addım uğursuz olarsa, Tramp öz müşavirlərinə İran rejimini hakimiyyətdən uzaqlaşdırmaq məqsədi daşıyan daha ​​geniş hərbi əməliyyatı nəzərdən keçirir.

Mənbələr həmçinin bildiriblər ki, administrasiyada bu məqsədə yalnız hava hücumları ilə nail oluna biləcəyinə dair şübhələr var.

Şəbnəm Mehdizadə