ABŞ-də güclü qar və fırtına gözlənilir

ABŞ-nin şimal-şərqində güclü qar və fırtına gözlənilir.

E-huquq.az xarici KİV-ə istinadən xəbər verir ki, fırtınanın bu gecə başlayacağı və bəzi bölgələrdə saatda 5 santimetrə qədər qar yağacağı proqnoz edilir.

Nyu-Yorkda qarın qalınlığının 71 sm olacağı gözlənilir.

Nyu-York Bələdiyyə Başçısı Zöhran Mamdani sakinləri evdə qalmağa çağırıb.

O, həmçinin fırtınaya hazırlıq üçün 100-dən çox küçədə duzlama işlərinin başlandığını açıqlayıb.

Kəskin hava şəraiti ilə bağlı ölkənin bəzi ştatlarında fövqəladə vəziyyət elan ediləcəyi istisna edilmir.

Şəbnəm Mehdizadə