Müharibəyə görə 3400-dən çox uçuş ləğv edilib

Körfəz ölkələrinin hava məkanının bağlanması səbəbindən 3400-dən çox uçuş ləğv edilib.

E-huquq.az xarici KİV-ə istinadən xəbər verir ki, bu vəziyyət qlobal hava nəqliyyatında böyük fasilələrə səbəb olub.

Dubay İnternational, Sharjah, Abu Dabi və Dohadakı Hamad Beynəlxalq Hava Limanı da daxil olmaqla bölgədəki altıdan çox böyük mərkəz fəaliyyətini dayandırıb.

Yaxın Şərqdəki hava limanları Avropa, Asiya və Afrikanı birləşdirən kritik mərkəzlər olduğundan, bu bağlanmalar bütün dünyada domino effekti yaradıb.

Hesablamalar göstərir ki, bölgədə 300 minə yaxın insan qapalı vəziyyətdədir. Böyük Britaniyanın vətəndaşlarının təxliyəsinə kömək etmək üçün bölgəyə qruplar göndərdiyi bildirilir.

Sərnişinlərin uçuş sifariş etmək və yardım almaq üçün uzun növbələrdə gözlədikləri, bir çoxunun terminallarda gecələdikləri bildirilib.

Bölgənin çox hissəsində hava məkanı bağlı olaraq qalır.

Şəbnəm Mehdizadə