İzmir sahillərində 43 qanunsuz miqrant xilas edilib

Türkiyənin İzmir şəhərində 43 qanunsuz miqrant xilas edilib.

E-huquq.az xəbər verir ki, bu barədə məlumat Sahil Mühafizə Komandanlığının internet saytında yer alır.

Bildirilib ki, Foça sahillərində bir qrup qanunsuz miqrantı daşıyan rezin qayıq batmaq təhlükəsi ilə üzləşib.

Hadisə yerinə 4 Sahil Mühafizə qayığı və 1 helikopter göndərilib. Komandalar qayıqda olan 39 və suda olan 4 miqrantı xilas edib.

Bir miqrant dənizdən ölü tapılıb, bir qaçaqmalçı isə tutulub.

Qanunsuz miqrantlar miqrasiya idarəsinə təhvil verilib.

Şəbnəm Mehdizadə