Hərbçiləri daşıyan mikroavtobus qəzaya uğrayıb, 11 nəfər yaralanıb

Türkiyənin İzmir şəhərində hərbçiləri daşıyan mikroavtobus qəzaya uğrayıb.

E-huquq.az Türkiyə mətbuatına istinadən xəbər verir ki, idarəetmədən çıxan miktoavtobus yoldan çıxaraq dərəyə yuvarlanıb. Qəza nəticəsində 11 nəfər xəsarət alıb.

Hadisə yerinə gələn xilasedicilər nəqliyyat vasitəsində sıxışıb qalan 7 nəfəri çıxarıb. Yaralılar xəstəxanaya aparılıb, onların səhhətinin yaxşı olduğu bildirilib.

İlkin ehtimala görə, qəzaya səbəb yağışlı hava şəraiti olub.

Faktla bağlı araşdırma aparılır.

Şəbnəm Mehdizadə