İranda son 3 ayda Krım-Konqo hemorragik qızdırması xəstəliyindən 3 nəfər dünyasını dəyişib.
E-huquq.az "İSNA"ya istinadən xəbər verir ki, bu barədə İran Səhiyyə Nazirliyinin İnsanlar və Heyvanlar Arasında Yoluxucu Xəstəliklərlə Mübarizə İdarəsinin rəisi Məhəmməd Rza Şirzadi məlumat verib.
Onun sözlərinə görə, son 3 ayda ümumilikdə 28 nəfər bu xəstəliyə yoluxub.
Xəstəliyin əlamətləri arasında qızdırma, baş ağrısı və mədə-bağırsaq simptomlarının olduğunu qeyd edən Şirzadi, gənə ilə ötürülən xəstəliyin heyvanlardan da keçə biləcəyini xatırladıb.
"İribuynuzlu mal-qaranın əti istehlakdan əvvəl 24 saat 4 dərəcə istilikdə saxlanılmalıdır. Sonra yaxşıca bişirilərək istehlak edilməlidir" – deyə o bildirib.
Şəbnəm Mehdizadə
