Türkiyənin Van şəhərində miqrant qaçaqmalçılığı ilə məşğul olan 59 nəfər saxlanılıb.
E-huquq.az "TRT Haber"ə istinadən xəbər verir ki, bu barədə Türkiyənin daxili işlər naziri Ali Yerlikaya "Twitter" hesabında yazıb.
Nazir bildirib ki, saxlanılan şəxslərdən 37-si həbs olunub, 22-si haqqında isə məhkəmə nəzarəti qərarı çıxarılıb.
“Əməliyyatı həyata keçirən qəhrəmanlarımızı təbrik edirəm. Qanunsuz miqrasiyaya qarşı mübarizəmiz davam edəcək. Biz miqrant qaçaqmalçılığının təşkilatçılarına göz yummayacağıq" – deyə nazir bildirib.
Şəbnəm Mehdizadə
