İranda sel nəticəsində 7 nəfər yaralanıb

İranın Astara şəhərində baş verən daşqın nəticəsində 7 nəfər xəsarət alıb.

E-huquq.az İSNA-ya istinadən xəbər verir ki, bu barədə Astara valisi Məhəmməd Rza Şahabzadə məlumat verib.

O qeyd edib ki, sel nəticəsində körpüdə olan iki maşın çaya düşüb, 7 nəfər yaralanıb.

İran rəsmisi bildirib ki, şəhər boyu axtarış-xilasetmə işləri davam edir.

Bildirilib ki, Astara və Hace Kəri çaylarının da daşması təhlükəsi var.

Şəbnəm Mehdizadə