Fransada terror təhlükəsinə görə 7 məktəb təxliyə edilib

Fransada terror aktları ilə bağlı təhdid mesajları alan 7 məktəb təxliyə olunub.

E-huquq.az xarici mətbuata istinadən xəbər verir ki, bu barədə Fransanın Sena-Dəniz Qubernatorluğu məlumat yayıb.

Bildirilib ki, Rouen şəhəri ətrafında 6 məktəbə təhdid mesajları göndərilib. Lakin qubernatorluq hələlik heç bir təhlükənin aşkar edilmədiyini qeyd edib.

Polis və Rouen Prokurorluğu məktəblərdə araşdırmalara başlayıb.

Bununla yanaşı Paris ətrafı Saint-Denisdə 1800 şagirdin təhsil aldığı Paul Eluard Liseyi səhər saatlarında bomba təhlükəsi səbəbiylə boşaldılıb. Liseyə bomba zərərsizləşdirmə qrupları gələrkən xəbərin saxta olduğu müəyyən edilib.

Şəbnəm Mehdizadə