Türkiyədə 58 qanunsuz miqrant saxlanılıb

Türkiyənin Balıkesir şəhərində jandarma qrupları tərəfindən həyata keçirilən əməliyyatlarda 58 qeyri-qanuni miqrant yaxalanıb.

E-huquq.az Türkiyə mətbuatına istinadən xəbər verir ki, Balıkesir Şəhər Jandarma Komandanlığna bəzi xarici vətəndaşların qeyri-qanuni yollarla Yunanıstanın Midilli adasına keçəcəyi barədə məlumat daxil olub.

Jandarma qrupları hərəkətə keçərək miqrantların qaçmasını təşkil etməkdə şübhəli bilinən 3 nəfər və 58 qanunsuz miqrantı saxlayıb.

Axtarışlar zamanı 2 avtomobil, 30 xilasedici jilet, 2 hava nasosu və 5 xilasedici jilet götürülüb.

Qeyri-qanuni miqrantlar müvafiq prosedurlardan sonra Balıkəsir Miqrasiya İdarəsinə təhvil verilib. Qaçaqmalçılıqda şübhəli bilinən 3 nəfər barədə isə istintaq davam edir.

Şəbnəm Mehdizadə