İstanbulda 38 qanunsuz miqrant saxlanılıb

Türkiyənin İstanbul şəhərində 38 qanunsuz miqrant saxlanılıb.

E-huquq.az “TRT Haber”ə istinadən xəbər verir ki, İstanbul Polis İdarəsinin əməkdaşlarının Sultanqazi adlı ərazidə apardığı yoxlamalar zamanı şübhəli yük maşını saxlanılıb. Yük maşınında 13-ü uşaq olmaqla 38 qanunsuz miqrantın olduğu müəyyən edilib.

Araşdırmalar nəticəsində saxlanılan miqrantların pul qarşılığında tanımadıqları şəxslərlə müqavilə bağlayaraq Yunanıstan vasitəsilə Almaniyaya getmək istədikləri müəyyən edilib.

Miqrantlar aidiyyəti üzrə təhvil verilib.

Yük maşınının sürücüsü miqrant qaçaqmalçılığında şübhəli bilinərək həbs edilib.

Şəbnəm Mehdizadə