Türkiyənin Sinop şəhərində minik avtomobili ilə yük maşını toqquşub.
E-huquq.az “TRT Haber”ə istinadən xəbər verir ki, qəza nəticəsində 4 nəfər ölüb, 1 nəfər yaralanıb.
Sinop-Boyabat avtomobil yolunun Üzümlü bölgəsində baş verən hadisə yerinə təcili tibbi yardım, polis, jandarma və xilasetmə qrupları cəlb edilib.
Avtomobildə olan 2 nəfərin hadisə yerində öldüyü müəyyən edilib. Yaralılar Yıl Boyabat Dövlət Xəstəxanasına aparılıb. Bütün tibbi müdaxilələrə baxmayaraq 2 nəfər xəstəxanada həyatını itirib.
Faktla bağlı araşdırma aparılır.
Şəbnəm Mehdizadə
