Türkiyənin Karabük bölgəsində ağır yol qəzası baş verib.
E-huquq.az "TRT Haber"ə istinadən xəbər verir ki, Karabükdə pikapla mikroavtobusun toqquşması nəticəsində 11 nəfər yaralanıb.
Əraziyə təcili tibbi yardım, polis və yanğınsöndürmə briqadaları göndərilib.
Qəzada sürücülər, pikapda olan 2 nəfər və mikroavtobusda olan 7 nəfər yaralanıb.
Yaralılar tibb işçilərinin ilkin yardımından sonra xəstəxanaya aparılıb.
Rayon polis şöbəsinin müdiri Mehmet Əli Həsən Köse də qəza yerinə gələrək araşdırma aparıb.
Şəbnəm Mehdizadə
