Xızıda iki, Şəkidə dörd otaqlı ev yandı

Xızı rayonunda yanğın olub.

Fövqəladə Hallar Nazirliyindən e-huquq.az-a verilən xəbərə görə, Xızı rayonunun Giləzi qəsəbəsində ümumi sahəsi 150 m² olan birmərtəbəli 2 otaqlı evin bir otağının yanar konstruksiyaları 35 m² sahədə və mətbəxinin tavanı 20 m² sahədə yanıb.

Evin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

Bunadan başqa, Şəki şəhərinin Qoxmuq kəndində ümumi sahəsi 154 m² (hər mərtəbəsi 77 m²) olan ikimərtəbəli 4 otaq və aynabənddən ibarət evin yanar konstruksiyaları yanıb.

Yaxınlıqdakı tikililər yanğından mühafizə olunub.

Yanğın yanğından mühafizə bölmələri tərəfindən söndürülüb.