Şəmkirdə avtomobil qəzası baş verdi: 1 nəfər öldü - YENİLƏNDİ

Bu gün saat 09:05 radələrində yol-nəqliyyat hadisəsi nəticəsində 1990 və 2001-ci il təvəllüdlü 2 nəfər (kişi cinsli) Şəmkir Rayon Mərkəzi Xəstəxanasına hospitalizasiya olunub.

Bu barədə e-huquq.az-ın sorğusuna cavab olaraq TƏBİB-dən məlumat verilib.

Bildirilib ki, şəxslərə ilkin zəruri tibbi xidmətlər göstərilib:

"2001-ci il təvəllüdlü şəxsin vəziyyəti qənaətbəxş qiymətləndirildiyindən öz istəyi ilə ambulator müalicə üçün evə buraxılıb.

Vəziyyəti ağır qiymətləndirilən 1990-cı il təvəllüdlü şəxsin isə aparılan reanimasiyon tədbirlərinə baxmayaraq, saat 09:14-də ölüm faktı qeydə alınıb".

***

Bakı-Qazax-Gürcüstan magistral avtomobil yolunun Şəmkir rayonundan keçən hissəsində ölümlə nəticələnən yol-nəqliyyat hadisəsi baş verib.

E-huquq.az xəbər verir ki, "VAZ 2106" markalı avtomobil "Nissan X-Trail" markalı maşınla toqquşub.

Qəza zamanı "VAZ 2106" da olan Şəmkir rayon sakini 1990-cı il təvəllüdlü Əli İsmayılov ölüb. Hadisə yerinə hüquq mühafizə orqanı əməkdaşları cəlb olunub. Araşdırma aparılır.