Arı sancdı, 1 ay komada qaldı

İyunun 12-si 35 yaşlı qadın arı sancmasından komaya düşüb.

Bu barədə e-huquq.az-a Kliniki Tibbi Mərkəzdən bildirilib.

Qeyd edilib ki, qadın komatoz vəziyyətdə KTM-in Toksikologiya şöbəsinə qəbul edilib.

Təxminən bir ay komatoz vəziyyətdə reanimasiyada müşahidə altında saxlanılan xəstənin vəziyyəti stabilləşib. Hazırda müalicələri davam etdirilir.

Vəziyyətində müşahidə olunan müsbət dinamika nəzərə alınaraq xəstəyə reabilitasiya məqsədli müalicələrin davam etdirilməsi planlaşdırılır.