Neftçala bazarındakı yanğın söndürüldü - YENİLƏNDİ

Neftçala şəhərində bazar ərazisində metal və taxta konstruksiyalardan ibarət ümumi sahəsi 300 m² olan, bir dam altında tikilən obyektlərdən 3 ədəd tərəvəz satışı mağazasının yanar konstruksiyaları 100 m² sahədə yanıb.

E-huquq.az xəbər verir ki, bu barədə Fövqəladə Hallar Nazirliyinin Mətbuat xidməti məlumat yayıb.

Bildirilib ki, digər mağazalar və bazar yanğından mühafizə olunub. Yanğın yanğından mühafizə bölmələri tərəfindən söndürülüb.

***

22:54

Neftçala bazarında baş verən yanğın yanğınsöndürənlər tərəfindən söndürülüb.

E-huquq.az xəbər verir ki, yanğının ərazidə daha iri mağazalara keçməsinin qarşısı alınıb.

Yanğın nəticəsində bir neçə meyvə mağazası və piştaxtalar yanıb.

Faktla bağlı araşdırma aparılır.

***

22:20

Neftçala şəhərində bazar yanır.

E-huquq.az xəbər verir ki, yanğın rayon mərkəzindəki köhnə bazarda qeydə alınıb.

Hadisə yerinə Fövqəladə Hallar Nazirliyinin Neftçala Yanğından Mühafizə Hissəsinin 3 yanğınsöndürən maşını və xeyli sayda canlı qüvvəsi cəlb olunub.

Hazırda yanğının söndürülməsi istiqamətində işlər görülür.

Faktla bağlı araşdırma aparılır.

Mənbə: Report