Beyləqanda 6 otaqlı evdə yanğın oldu

Beyləqan rayonunun Türklər qəsəbəsində yanğın olub.

Fövqəladə Hallar Nazirliyindən e-huquq.az-a verilən xəbərə görə, ümumi sahəsi 140 m² olan birmərtəbəli 6 otaqlı evin bir otağının tavanı 32 m² sahədə və dam örtüyünün yanar konstruksiyaları 70 m² sahədə yanıb.

Evin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.