Yüksək maaşlı iş təklif edərək dələduzluq edən iki nəfər saxlanıldı

Nəsimi rayonu ərazisində yüksək məvacibli iş təklif edərək vətəndaşları dələduzluq yolu ilə aldadan 26 yaşlı Ə.Əkbərov və 35 yaşlı T.Əzizi polis əməkdaşları tərəfindən müəyyən olunaraq saxlanılıblar.

Bu barədə e-huquq.az-a Daxili İşlər Nazirliyinin (DİN) Mətbuat xidmətindən məlumat verilib.

Onların iki nəfərin etibarından sui-istifadə edərək 28 min manat pul vəsaitini dələduzluq edərək eldə etdikləri müəyyən edilib.

Araşdırmalar aparılır.