Tovuzda 73 yaşlı kişi dəm qazından boğuldu

Tovuzda zəhərlənmə faktı qeydə alınıb.

E-huquq.az xəbər verir ki, hadisə rayonun Aşağı Öysüzlü kəndində baş verib.

Belə ki, kənd sakini 1953-cü il təvəllüdlü R.Hüseynov yaşadığı evin həyətində olan yardımçı tikilidə dəm qazından boğularaq ölüb.

Onun meyiti müayinə olunmaq üçün “Məhkəmə-Tibbi Ekspertiza və Patoloji Anatomiya Birliyi”nin rayon şöbəsinə təhvil verilib.

Hadisə yerinə polis və prokurorluq əməkdaşları cəlb edilib. Faktla bağlı araşdırma aparılır.