Salyanda yol qəzasında ölənlərin sayı 4 nəfərə çatdı - YENİLƏNDİ

Salyanda yol qəzasında ölənlərin sayı dörd nəfərə çatıb.

E-huquq.az xəbər verir ki, hadisə zamanı xəsarət alan, rayonun Şorsulu kənd sakini, 1972-ci il təvəllüdlü Əsədov Vüqar Tahir oğlu həkimlərin səyinə baxmayaraq, xəstəxanada ölüb.

Faktla bağlı araşdırma aparılır.

***

19:57

Salyan rayonunda baş verən yol qəzasında ölənlərin sayı üç nəfərə çatıb.

E-huquq.az xəbər verir ki, xəstəxanaya yerləşdirilən yaralılardan biri həkimlərin səyinə baxmayaraq həyatını itirib.

***

18:55

Salyanda ağır yol qəzası olub, iki nəfər ölüb, dörd nəfər yaralanıb.

E-huquq.az xəbər verir ki, hadisə rayonun Stansiya yaşayış massivində qeydə alınıb.

İlkin məlumata görə, "Prado" markalı avtomobil "VAZ-2106" markalı avtomobillə toqquşub. Qəza nəticəsində 2 nəfər ölüb, 4 nəfər xəsarət alıb. Xəsarət alanlar Salyan Rayon Mərkəzi Xəstəxanasına yerləşdirilib.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

Mənbə: Report