Bakıda vətəndaşların telefonunu oğurlamaqda ittiham edilən şəxs həbs edildi

Sabunçu Rayonunda oğurluqda ittiham edilərək saxlanılan Əli Quliyevin barəsində həbs qətimkan tədbiri seçilməsi ilə bağlı istintaq orqanı tərəfindən verilən vəsatətə baxılıb.

E-huquq.az-ın əldə etdiyi məlumata görə, məhkəmə vəsatəti təmin edib və Ə.Quliyev barəsində 2 ay müddətinə həbs qətimkan tədbiri seçilib.

İttihama görə, təqsirləndirilən şəxs ictimai nəqliyyatda oğurluqla məşğul olub. Belə ki, o ayrı-ayrı şəxslərin telefonun oğurlayaraq qaçıb.

Hadisə ilə bağlı 8 nəfər zərərçəkmiş şəxs polisə müraciət edib.

Eltac Nurullazadə