Bakıda moped oğurlayan şəxsə hökm oxundu

Bakıda moped oğurlamaqda təqsirləndirilən Babək Vəliyevin (ad-soyad şərtidir) cinayət işi üzrə məhkəmə prosesi başa çatıb.

E-huquq.az-ın məlumatına görə, Binəqədi Rayon Məhkəməsində hakim Zamiq Bağırovun sədrliyi ilə keçirilən prosesdə hökm oxunub.

Hökmə əsasən, B.Vəliyev Cinayət Məcəlləsinin 177.1-ci maddəsi ilə təqsirli bilinib və ona 1 il müddətə azadlığın məhdudlaşdırılması (elektron qolbaq) cəzası təyin edilib.

İttihama görə, B.Vəliyev Biləcəri qəsəbəsində dəyəri 2.699 manat olan “Moon ZX50QT-30 White” markalı mopedi gizli olaraq talayaraq oğurluq edib. Məhkəmə iclasında təqsirləndirilən şəxs hadisəni törədən zaman içkili olduğunu deyib.

Şəbnəm Mehdizadə