"Süni intellekt nə hakimi, nə də hüquqşünası əvəz edir"

"Qloballaşan dünyada hüquq sistemi dəyişən iqtisadi və texnoloji çağırışlara uyğunlaşmalıdır. Bu baxımdan süni intellektin hüquqda tətbiqi artıq reallıqdır".

E-huquq.az xəbər verir ki, bunu Ali Məhkəmənin və Məhkəmə-Hüquq Şurasının sədri İnam Kərimov "LEGIS" Beynəlxalq Hüquq Forumunda deyib.

O bildirib ki, süni intellekt nə hakimi, nə də hüquqşünası əvəz edir, lakin düzgün və məsuliyyətli istifadə edildikdə məhkəmə təcrübəsinin təhlilində, hüquqi sənədlərlə işdə və risklərin qiymətləndirilməsində effektiv köməkçi alətə çevrilir:

"Hazırda məhkəmələrdə bu istiqamətdə zəruri addımlar atılır və süni intellektin tətbiqi məhkəmə fəaliyyətinin səmərəliliyinin artırılmasına xidmət edəcəkdir", - deyə sədr qeyd edib.