Bakı Apelyasiya Məhkməsi Qida Təhlükəsizliyi Agentliyinin həkiminə bəraət verdi

Bakı Apelyasiya Məhkəməsində Qida Təhlükəsizliyi Agentliyinin həbsdə olan həkimi Xaspolad Mirimovun və agentliyin əməkdaşı Əlican Quliyevin barəsindəki hökmdən verilən şikayətə baxılıb.

Ə. Quliyevin vəkiçi Hafiz Ələsgərovun e-huquq.az-a verdiyi məlumata görə, hakim Vaqif Mursaqulovun sədrliyi ilə keçirilən prosesdə təqsirləndirilən şəxslərə qarşı elan olunmuş bütün maddələr üzrə bəraət hökmü çıxarılıb.

Qeyd edək ki, təqsirləndirilən şəxslər Cinayət Məcəlləsinin 29, 178.2.1-ci (qabaqcadan əlbir olan bir qrup şəxs tərəfindən dələduzluğa cəhd), 29, 178.2.3-cü (qulluq mövqeyindən istifadə etməklə dələduzluğa cəhd), 29, 178.2.4-cü (xeyli miqdarda ziyan vurmaqla dələduzluğa cəhd), 29, 200.2.2-ci (qabaqcadan əlbir olan bir qrup şəxs tərəfindən istehlakçıları aldatmaya cəhd), 29, 200.2.3-cü (külli miqdarda ziyan vurmaqla istehlakçıları aldatmaya cəhd) və 308.1-ci (mühüm zərər vurma ilə nəticələnən vəzifə səlahiyyətlərindən sui-istifadə) maddələri ilə ittiham olunublar və barələrində həbs qətimkan tədbiri seçilib.

Nəsimi Rayon Məhkəməsinin hökmü ilə onlar barəsində şərti cəza seçilib və onlar azadlığa buraxılıblar.