Kommersiya məhkəmələrində əqli mülkiyyət üzrə ixtisaslaşmış bölmələrin yaradılması təklif edilib

"Hakimlərdə xüsusi biliklərin olması Əqli Mülkiyyət sahəsində hüquq və fakt məsələlərinin sıx əlaqədə olması təbiətindən irəli gəlir".

E-huquq.az-ın məlumatına görə, bu barədə Əqli Mülkiyyət Agentliyinin İdarə Heyətinin sədri Kamran İmanov bildirib.

Onun sözlərinə görə, hazırda yaradılan kommersiya məhkəmələrində əqli mülkiyyət üzrə ixtisaslaşmış bölmələrin yaradılması mühüm və aktual məsələdir: "Bununla bağlı təkliflərimiz müvafiq instansiyaya təqdim edilib. Lakin hazırda bu cür məhkəmələrin olmadığı bir şəraitdə məhkəmə iclaslarında mütəxəssislərin iştirakına, ekspertizaların təyin edilməsinə və sorğuların göndərilməsinə xüsusi diqqət yetirilməlidir".