Fərdi sahibkarların balansında olan əsas vəsaitlər əmlak vergisinə cəlb ediləcək

Fiziki şəxslərin mülkiyyətində olan bina, su və hava nəqliyyatı vasitələri istisna olmaqla, vergi ödəyicisi kimi qeydiyyatda olan fərdi sahibkarların balanslarında olan əsas vəsaitlər əmlak vergisinə cəlb ediləcək.

E-huquq.az-ın məlumatına görə, bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan Vergi Məcəlləsinə təklif edilən dəyişiklikdə əksini tapıb.
Layihəyə əsasən, həmin vergilər dövlət büdcəsinə ödəniləcək.