Sağlamlıq imkanları məhdud şəxslər də sağlam şəxslərlə birgə təhsil alacaq


  • 26 Aprel 2022 16:46

Azərbaycanda sağlamlıq imkanları məhdud şəxslər sağlam şəxslərlə birgə təhsil ala biləcək.

E-huquq.az xəbər verir ki, bununla bağlı məsələ Milli Məclisin bu gün keçirilən iclasında “Sağlamlıq imkanları məhdud şəxslərin təhsili (xüsusi təhsil) haqqında” və “Təhsil haqqında” qanunlara dəyişiklikdə öz əksini tapıb.

Dəyişikliklərə əsasən, təhsil müəssisəsinin tipləri və növləri konkretləşdirilməklə hər iki qanunun normaları bir-birinə uyğunlaşdırılaraq sağlamlıq imkanları məhdud şəxslərə zəruri bilik, bacarıq və vərdişlər aşılmaqla onların cəmiyyətə uyğunlaşması istiqamətində sağlam şəxslərlə birgə təhsil almaqları üçün xüsusi şərait yaradılacaq.

Dəyişikliklər səsverməyə çıxarılaraq birinci oxunuşda qəbul edilib.

Oxşar xəbərlər