Ötən il Azərbaycan Respublikası Baş prokuroru yanında Korrupsiyaya qarşı Mübarizə Baş İdarəsində baxılan müraciətlərin sayı açıqlanıb.
E-huquq.az xəbər verir ki, Nazirlər Kabinetinin 2021-ci ildə fəaliyyəti haqqında hesabatında qeyd edilib ki, ötən il Baş İdarə tərəfindən vətəndaşların 10,2 min müraciətinə baxılıb.
Bildirilib ki, Baş İdarənin "161-Qaynar xətt" alaqǝ mərkəzinə daxil olan 5 131 müraciətin 4 265-i (83%) nəzarətdə saxlanılmaqla aidiyyəti üzrə nazirlik, komitə və təşkilatlara göndərilib.
Eyni zamanda 392 müraciət (8%) prokurorluğun müvafiq struktur qurumlarında, 474-ü (9%) Baş İdarədə araşdırılıb. Baş İdarədə araşdırılan müraciətlərdən 67-si (14%) üzrə Cinayət Məcəlləsinin müvafiq maddələri ilə cinayət işləri başlanılıb.
2021-ci ildə "161-Qaynar xətt" əlaqə mərkəzinə daxil olan müraciətlərin sahələr üzrə bölgüsü:
1. Daxili işlər orqanlarının fəaliyyəti – 1131
2. Səhiyyə – 701
3. Yerli icra hakimiyyəti orqanlarının fəaliyyəti – 521
4. Sosial müdafiə – 513
5. Bələdiyyələrin fəaliyyəti 340
6. Özəl sahə – 237
7. Təhsil – 182
8. Ədliyyə orqanlarının fəaliyyəti – 175
9. "Azərişıq" ASC-nin fəaliyyəti – 96
10. "Azəriqaz" İB-nin fəaliyyəti – 77
11. Meliorasiya və su təsərüffatı – 72
12. Müdafiə – 39
13. "Azərsu" ASC-nin fəaliyyəti – 57
14. Səfərbərlik – 41
15. Kənd Təsərüffatı – 33
16. Ekologiya və Təbii Sərvətlər – 34
17. Bank sektoru – 35
18 Digər – 847
