Vəkillər və mediatorlar üçün sosial sığorta haqları artırılır

Vəkillər və mediatorlar üçün sosial sığorta haqları artırılır

E-huquq.az xəbər verir ki, bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan “Sosial sığorta haqqında” qanuna təklif edilən dəyişiklikdə əksini tapıb.

Layihəyə əsasən, 2026-cı il yanvarın 1-dən Azərbaycan Respublikası Vəkillər Kollegiyasının üzvləri və sərbəst mediatorlar gəlirlərinin (xərclər çıxılmaqla) 15 faizi miqdarında məcburi dövlət sosial sığorta haqları ödəyəcəklər.

Xatırladaq ki, hazırda qüvvədə olan “Sosial sığorta haqqında” qanuna görə Vəkillər Kollegiyasının üzvləri və sərbəst mediatorlar gəlirlərinin (xərclər çıxılmaqla) 10 faizi miqdarında məcburi dövlət sosial sığorta haqları ödəyirlər.