Odessa yaxınlığında vurulan gəminin kapitanı Lənkəranda dəfn olundu

Odessa yaxınlığında vurulan gəminin kapitanı Səməd Nəsrullayevin cənazəsi Lənkəranda torpağa tapşırılıb.

E-huquq.az xəbər verir ki, S.Nəsrullayevin cənazəsi Lənkəran rayonuna gətirilib.

Mərhumun nəşi doğulduğu Balıqçılar qəsəbəsində ailəsinə təhvil verilib, o, sonra qəbiristanlıqda dəfn olunub.

Xatırladaq ki, iyulun 14-də Ukraynanın Odessa sahilləri yaxınlığında Türkiyənin Okean Maritime şirkətinə məxsus "Atlas Bey" adlı mülki ticarət gəmisi dron hücumuna məruz qalıb. Gəminin ekipaj üzvlərindən 11-i Azərbaycan vətəndaşı olub.