Müdafiə nazirinin sabiq müavini vəfat etdi - YENİLƏNDİ


  • 9 Avqust 12:36

Müdafiə Nazirliyi general-leytenant Çingiz Məmmədiovun vəfatı ilə bağlı nekroloq yayıb.

E-huquq.az Müdafiə Nazirliyinə istinadən xəbər verir ki, bağsağlığıda deyilir:

Azərbaycan Ordusuna ağır itki üz verib. Uzun sürən xəstəlikdən sonra istefada olan general-leytenant Məmmədov Çingiz Mustafa oğlu 2020-ci il avqust ayının 9-da vəfat edib.
Ç.Məmmədov 15 fevral 1951-ci ildə Bakı şəhərində anadan olub.
1968-ci ildə Rostov Ali Hərbi Məktəbinə daxil olub. 1973-1992-ci illərdə SSRİ Silahlı Qüvvələrində xidmət edib.
1981-ci ildə F.E.Dzerjinski adına Hərbi Akademiyaya daxil olub və oranı müvəffəqiyyətlə bitirib. Divizion komandiri, qərargah rəisi, strateji təyinatlı raket qoşunlarının alay komandiri vəzifələrində xidmət edib.
1992-ci ildən Azərbaycan Respublikası Silahlı Qüvvələrində xidmətə başlayaraq müxtəlif vəzifələrdə çalışıb. 2003-cü ildən 2014-cü ilədək isə Müdafiə nazirinin müavini vəzifələrində xidmət edib. Ç.Məmmədov 2014-cü ildə ehtiyata buraxılıb.
Onun Vətən qarşısındakı xidmətləri yüksək qiymətləndirilərək orden və medallarla təltif olunub və müxtəlif mükafatlara layiq görülüb. Azərbaycan Respublikasının Silahlı Qüvvələri və Müharibə Veteranı idi.
İstefada olan general-leytenant Məmmədov Çingiz Mustafa oğlunun əziz xatirəsi Azərbaycan Ordusunun şəxsi heyətinin və onu tanıyanların qəlbində həmişə yaşayacaqdır.
Allah rəhmət eləsin!

Müdafiə naziri general-polkovnik Zakir Həsənov

Müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov,

general-polkovnik Kərəm Mustafayev,

general-leytenant Kərim Vəliyev,

general-leytenant Ramiz Tahirov,

general-leytenant Nizam Osmanov,

11:37

***

Müdafiə nazirinin sabiq müavini, general-leytenant Çingiz Məmmədov vəfat edib.

E-huquq.az-ın məlumatına görə, Çingiz Məmmədov uzun sürən xəstəlikdən sonra bu gün dünyasını dəyişib.

Müdafiə Nazirliyi məlumatı təsdiqləyib.

Allah rəhmət eləsin!

Oxşar xəbərlər