Bu gündən bəzi sahələrin fəaliyyəti bərpa olunur

10 avqust 2020, 08:56

Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisində bu gündən etibarən fəaliyyətinə icazə verilən sahələrin siyahısı genişləndirilib.

E-huquq.az xəbər verir ki, bu barədə Nazirlər Kabineti yanında Operativ Qərargahdan bildirilib.

Qərara əsasən, sərt karantin rejiminin tətbiq edildiyi rayonlarda aşağıdakı sahələrin fəaliyyətinə icazə verilir:

– Açıq havada idman yarışlarının və oyunlarının keçirilməsi;

– Qeyri-ərzaq mallarının satışını həyata keçirən ticarət obyektələrinin və əhaliyə məişət xidmətləri göstərən obyektlərin (iri ticarət mərkəzləri istisna olmaqla) fəaliyyəti;

– maşın və avadanlıqların istehsalı;

– elektrik avadanlıqlarının istehsalı;

– kompüter, elektron və optik məhsulların istehsalı;

– avtomobil, qoşqu və yarımqoşquların istehsalı;

– sair nəqliyyat vasitələrinin istehsalı;

– poliqrafiya məhsullarının istehsalı;

– zərgərlik məmulatlarının istehsalı;

– musiqi alətləri, idman mallarının istehsalı;

– geyim istehsalı;

– toxuculuq sənayesi;

– ayaqqabıların istehsalı;

– dəri və dəri məmulatlarının istehsalı;